འབའ་པ་སྐལ་བཟང་འཕྲིན་ལས།

འབའ་པ་སྐལ་བཟང་འཕྲིན་ལས།
ང་ནི་ང་རང་ཡིན་ནཡང་། ངས་ད་དུང་རང་ཉིད་འཁྲུལ་མེད་དེ་རྙེད་མ་སོང་། དོན་དམ་པར་རང་ཉིད་ཅི་འདྲ་ཞིག་ཡིན་མིན་ཤེས་པའི་སླད་དུ་རང་ཉིད་ཀྱི་གོམ་པ་འདོར་བཞིན་ཡོད།

གླུ་གར་མིག་གི་དགའ་སྟོན།

Loading...
ཟླ་རེའི་ཡིག་ཚགས།

སྐུ་མགྲོན་ཡོངས་ལ་འཚམས་འདྲི་ཞུ།

༄༅།། བརྡ་འཕྲིན་གྱི་དུས་རབས་སུ་བརྡ་འཕྲིན་ནི་སྲིད་འབྱོར་རིག་སྲིད་གོང་དུ་གསུམ་བཏེགས་པའི་བགྲོད་ལམ་ཡག་ཤོས་དེ་རེད། བརྒྱུད་ལམ་དེ་ནས་མི་ཡི་མངོན་འདོད་མང་པོ་ཞིག་ཐབས་འཚོལ་བྱ་ཐུབ། ཁོ་བོས་ཀྱང་བརྒྱུད་ལམ་ནས་རང་ཅག་གངས་ཅན་པའི་དབུགས་རྔ་དེ་ཡི་བཞུར་རྒྱུན་བསྲིངས་པའི་སླད་དུ། ཟིན་བྲིས་ཞེས་པའི་ཚིག་འབྲུ་གཉིས་པོ་ལ་རིན་ཐང་ཆེན་པོ་འཇོག་བཞིན་ཡོད་ལ། ད་ཐེངས་ཟིན་བྲིས་ཞེས་པའི་ཚིག་འབྲུ་གཉིས་པའི་རིན་ཐང་ལོངས་སུའང་སྤྱོད་ཀྱི་ཡིན། ང་ཡི་ཁྱིམ་གཞི་གསར་པའི་སྒོ་ཁ་ནས་དར་ཚོན་གཅོད་བྲེག་བྱ་སར་ཕེབས་པའི་གྲོགས་པོ་སྐུ་མགྲོན་ཡོངས་ལ་འཚམས་འདྲི་ཞུ།
མཚམས་འདི་ནས་ཟིན་བྲིས་གསར་བཟོ་ཡི་རོགས་གདན་གནང་མཁན་དྲ་རྒྱ་ཆེད་བཟོ་བ་བསོད་ནམས་འོད་ཟེར་མཆོག་ལ་བཀའ་དྲིན་ཆེ་ཞུ།

འབའ་པ་སྐལ་བཟང་འཕྲིན་ལས་ཀྱིས།

བདེ་སྐྱིད་ཟེར་བ་དེ་འདི་རེད།

ཁྱེད་དང་ང་།ང་དང་ཁོ། ལྗིད་ཏིག་ཏིག་གི་ཐ་སྙད་འདི་ནུབ་སོང་ན། འཇིག་རྟེན་འདིར་ས་མཚམས་མེད་ལ། སྣང་མུན་དང་དཀར་ནག་ཟེར་བའི་དཀར་འདོན་གྱི་སྐད་ཆ་དག་ཀྱང་ཆད་འོངས། དུས་དེར་ཁྱེད་ཀྱིས་བདེ་སྐྱིད་ཅེས་པའི་ཚིག་འབྲུ་གཉིས་ཀྱི་འབྲུ་དོན་ཡང་ཤེས་ཚོད་ཡིན།

ཟིན་བྲིས་ཡིག་ཚགས།

སྒེར་གྱི་རྒྱུ་ཆ།

༄༅།། འབའ་ཐང་གི་འགྱུར་ཁུག
འབྲེལ་གཏུགས་ཁ་པར། ༠༩༩༧༢༤༠༧༠༤༨ ཁེའུ་ཁེའུ། 891359375
View my complete profile
འབའ་པ་སྐལ་བཟང་འཕྲིན་ལས།. Powered by Blogger.

དྲྭ་རྒྱ་བཟོ་འགོད་པ་བསོད་ནམས་འོད་ཟེར།
Monday, April 18, 2011
༧གོང་ས་མཆོག་ལྷ་རུ་བཏགས་པའི་དགེ་སྐྱོན་གླེང་བ།
༡ ༧གོང་ས་མཆོག་ལྷ་རུ་བཏགས་པའི་བསམ་བློའི་ཐོག་མའི་རྐྱེན་རྩ།
བོད་གངས་ཅན་ལྗོངས་སུ་ནང་པའི་ཆོས་དེ་དར་ཁྱབ་བྱུང་ནས་བཟུང་ནས་ཆོས་ལུགས་ཀྱིས་མཆོད་ཁང་དང་ཆོས་པ་ཙམ་ལས་བརྒལ་ནས་བོད་མི་བྱིངས་ཀྱི་སྒོ་གསུམ་གྱི་གོ་སར་ཡོད་ཚད་བཙན་འཛུལ་བྱས་ཡོད། ལེགས་ཉེས་ཀྱི་དབྱེ་བ་འབྱེད་བྱེད་དེ་ནང་ཆོས་ཁོ་ནས་ཚད་འཇལ་འབྱེད་དགོས་པར་ཆགས་ཡོད།།ནམ་རྒྱུན་འཚོ་བའི་ཁྲོད་ཆོས་ཀྱི་བསླབ་བྱ་དང་མཐུན་པའི་བྱ་བ་ཞིག་ཕྱིན་མི་རང་ཉིད་ཀྱི་སྒོ་གསུམ་གྱི་བག་ཕེབས་ལ་མིག་མཐོང་ལག་ཟིན་གྱི་དོ་ཕོག་ཇི་ལྟར་བྱུང་ཡང་ཇི་མི་སྙམ་པར་སྤྲོ་བ་ངང་ནས་འཇུག་རྐྱང་རེད་ལ།ཆོས་ཀྱི་བསླབ་ཁྲིམས་ལས་བརྒལ་བའི་མིག་མཐོང་ལག་ཟིན་གྱི་ཞིམ་པོ་མངར་མོ་ཇི་ལྟར་ཕྲད་ན་ཡང་འཕྲལ་བདེ་ཞེས་པའི་ཚིག་གིས་བསྙད་ནས་དེ་ཙམ་དགའ་མོས་དང་སྤྲོ་བ་མི་བྱེད་།

གོང་དུ་བཤད་པ་ལྟར་ནང་ཆོས་བོད་དུ་དར་རིམ་བཞིན་མདོ་རྒྱུད་གསུང་རབ་མང་པོ་ཞིག་བོད་དུ་ཐོན་ཡོད་པ་དང་།མདོ་རྒྱུད་དེ་དག་བསླབ་ལ་བརྩོན་པའི་མི་དག་གིས་འཕགས་པ་སྤྱན་རས་གཟིགས་ཞེས་པའི་སེམས་དཔའ་ཆེན་པོ་ཞིག་བོད་གངས་ཅན་པའི་འདུལ་མཁན་ཡིན་པའི་ལུང་བསྟན་དང་།དེ་ཡི་རྣམ་རོལ་གང་དང་གང་བྱོན་དང་སུ་དང་སུ་ཕེབས་སོགས་རྩལ་ཞིབ་ཡང་ཞིབ་བྱས་ནས་རྒྱལ་དབང་སྐུ་ཕྲེང་ནར་རིམ་དེ་མགོན་པོ་གང་གི་རྣམ་རོལ་ཡིན་པའི་ལུང་རིགས་ཀྱིས་མཐའ་གཅོད་བྱས། མཐའ་གཅོད་དེ་མཁས་པའི་ཁ་ནས་ཁར་བརྒྱུད་དེ་བླུན་པོ་རྣ་རྩ་བར་བསྐྱལ།བླུན་པོའི་རྣ་ཁ་ནས་གཏམ་རྒྱུད་ལྟ་བུ་ཡ་མ་འདྲེས་པའི་སྐད་ཆ་ཞིག་ཏུ་འགྱུར་བར་མ་ཟད།མདོ་རྒྱུད་མན་ངག་ནས་བྱུང་པའི་ཚད་མའི་ལུང་བསྟན་དེ་དམངས་ཁྲོད་དུ་སྨན་སྣ་འདྲ་མིན་བཏབ་ནས་སྦྱོར་བའི་ཁ་ཟས་བཞིན་དད་པ་དང་རྨོངས་དད་ཟུང་གིས་སྐད་ཆ་དག་ཁྲ་ཁྲ་ཉན་བདེ་བདེ་དངབཤད་བདེ་བདེ་ཞིགཏུ་འགྱུར། ཉན་བདེ་བཤད་བདེ་ཡིན་པའི་དབང་གིས་ཆུང་སྐད་ཆ་བཤད་ཤེས་དང་ཉོན་ཤེས་ཤེས་ཙམ་ནས་སྐད་ཆ་དེ་ཡང་ཡང་གོ་རྒྱུ་ཡོད་པར་ཆགས།དེའི་དབང་གིས་་༧གོང་ས་མཆོག་ཞེས་པའི་མིང་དེ་གོ་མ་ཉིད་ནས་རྟགས་དང་གཏན་ཚིགས་གང་ལ་ཡང་ལྟོས་མ་དགོས་པར་ཕྱག་སྟོང་སྤྱན་སྟོང་གི་སེམས་དཔའ་དེའི་གསོན་གཟུགས་འཆར་འོངས།
༢ ༧གོང་ས་མཆོག་ལྷ་རུ་བཏགས་པའི་དགེ་མཚན་གླེང་བ།
༧གོང་ས་མཆོག་ལྷ་རུ་བཏགས་ཟེར་དུས་ཁ་འཛུམ་དམུལ་ངང་ནས་གནས་ཤིང་གྲག་འགུལ་ཅི་ཡང་འབག་སྐུ་ལྟ་བུ་མ་ཡིན་པ་ར་མངོན་ལྐོག་དང་ལེགས་ཉེས་མ་ལུས་པར་མཁྱེན་པ་།འགྲོ་བའི་སྡུག་བསྔལ་སེལ་པའི་སྟོབས་དང་དཔུང་ཡོད་པའི་སྐྱེས་བུ་ཞིག་གི་གསོན་གཟུགས་སུ་ཤར་ངེས་རེད་ལ།་ཁོང་གིས་གང་གསུང་དང་གང་གནང་ཐམས་ཅདཚད་མར་འཛིན་གྱི་ཡོད། དེའི་དབང་གིས་བོད་ཀྱི་ཆབ་སྲིད་ལམ་ལུགས་བཅོས་བསྒྱུར་དང་གཉིས་ཕན་དབུ་མའི་ལམ་མཚོན་པའི བོད་ཀྱི་དངོས་ཡོད་གནས་སྟངས་ལ་རན་པའི ་གལ་གནད་ཆེ་ཞིང་།འཕྲལ་ཡུན་གཉིས་ཀ་ལ་ཕན་པའི་ཆབ་སྲིད་གཞུང་ལུགས་མང་པོ་ ་ཞིག་གསར་བཏོད་དང་ནང་འདྲེན་་བྱས་ཐུབ་ཡོད། རྒྱལ་ཁབ་དང་སྲིད་གཞུང་གཞན་དང་གཞན་དག་གིས་འདི་ལྟ་བུའི་བཅོས་བསྒྱུར་ཆེན་པོ་ཞིག་བྱ་དགོས་ན་དབང་ཆ་འཐབ་འཁྲུག་དང་རིག་པའི་གཞུང་ལུགས་འཐབ་འཁྲུག་ཆོས་ལུགས་རིས་བཅད་འཐབ་འཁྲུག་གིས་མཚོན་པའི་གཅིག་འོག་གཅིག་མ་འདུས་པའི་གཡུལ་འགྱེད་ནང་ཁྲག་གི་འཁོར་ལོ་བསྐོར་ངེས་པར་ཐེ་ཚོམ་མི་དགོས།
ལྷག་པར་དུ་དུས་རབས་དང་མཐུན་པ་སྟེ་འཛམ་གླིང་གི་རྒྱལ་ཁབ་ཁག་གིས་དྲག་འཐབ་ཀྱི་མཇུག་འབྲས་ཡིད་མུག་དང་རྒོལ་བ་བརྩམས་པའི་སྐབས་དང་འཚམས་པར་འཚེ་མེད་ཞི་བའི་ལམ་དུ་འཁྲིད་ཡོད། ཅི་སྟེ་དྲག་པོའི་ཐབས་ལམ་སྤྱད་ནས་མི་རིགས་འཐབ་རྩོད་ཅིག་བྱ་འདོད་ཆེ་ཤོས་དང་དང་འདོད་ཤོས་དེ་ཤེས་ཡོན་དང་མཐོང་རྒྱ་མེད་པའི་མི་དག་ཡིན་སྲིད། ཁོང་ཚོས་༧གོང་ས་མཆོག་ལྟ་རུ་བཏགས་པའི་འདུ་ཤེས་དེ་ཁོ་དབང་གིསཁོང་གི་གཏམ་ཚིག་གཅིག་པུས་དྲག་འཐབ་ཀྱི་སེམས་ཚོར་དེ་གནན་ཡོད།ད་དུང་ནང་ཁུལ་འཆམ་མཐུན་དང་རྐུན་ཇག་འཕྲོག་བཅོམ་ཤིང་ནགས་གཅོད་བྲེགས་སོགས་དང་།གཅན་གཟན་ལྤགས་རིགས་མཚོན་པའི་འཛམ་གླིང་སྤྱི་འགྲོའི་ཁྲིམས་ལུགས་མང་པོ་ཞིག་ཀྱང་འདུ་ཤེས་དེའི་དབང་གིས་གནས་ཐུབ་འདུག ༧གོང་ས་མཆོག་ལྷ་རུ་བཏགས་པའི་འདུ་ཤེས་དེ་ཡིས་བོད་མི་དག་ལ་བློ་ཐག་རྦད་ཆོད་ཀྱི་བསམ་བློ་ཞིག་བསྐྲུན་ཡོད་པའི་དཔེ་མཚོན་གཅིག་ནི་༢༠༠༨་ལོར་གསུང་ཚིག་གཅིག་གིས་བོད་ས་ཡོངས་རྫོགས་རིན་ཐང་ཆེ་བའི་ལྤགས་རིགས་ཡོངས་རྫོས་བསྲེགས་སྦྱོར་བྱས་པ་མ་ཟད།ལྤགས་རིགས་གོན་མཁན་མི་དག་ཆོས་ཀྱི་བསླབ་ཁྲིམས་དང་འགལ་བ་ལྟ་བུ་ཡི་ལྟ་ཚུལ་འཛིན་གྱི་ཡོད།
ད་དུང་གཞིས་ལུས་བོད་མི་ཡི་ཁྲོད་ན་གོང་ས་མཆོག་དང་བོད་དོན་དོ་མཉམ་དུ་བརྩི་གི་ཡོད་པ་དང་།བོད་རང་བཙན་སྐད་འབོད་མཉམ་དུ་གོང་ས་མཆོག་སྐུ་ཚེ་བརྟན་དགོས་པའི་སྐད་འབོད་རེ་ཡོད་ཡོད་རེད།དེས་ཅི་ཞིག་མཚོན་གྱི་འདུག་ཟེར་ན་བོད་ཀྱི་མཚོན་རྟགས་དེ་གོང་ས་མཆོག་བཏགས་པ་དང་།༧གོང་ས་མཆོག་ངོ་ཤེས་རྗེས་དེ་ནས་བོད་དོན་ཟེ་ར་བ་དེ་ཕར་འཚོལ་པར་བསྟན་འདུག།དེ་ཡང་ཡིན་ཏེ་བོད་དོན་ཟེར་བ་དེ་རྣ་བར་གོ་མ་མྱོང་ལ་གོ་སའི་བརྒྱུད་ལམ་ཡོད་ཚད་འགགས་ཡོད་ན་ཡང་ཁ་ནས་ཁར་བརྒྱུད་པའི་གཏམ་རྒྱུད་དེས་༧གོང་ས་མཆོག་བཞེངས།༧གོང་ས་མཆོག་འཚོལ་དུས་བོད་དོན་ཟེར་བ་ཞིག་མིག་སྔར་སོན་ཡོང་།དེ་དུས་ཁ་ཤས་ཀྱིས་བོད་དོན་གྱི་ཕྱི་ནང་བསྔོག་ནས་བོད་དོན་ལ་འཐམ་པ་དང་ཁ་ཤས་ཀྱི་སྔོན་ལྟར་༧གོང་ས་མཆོག་དང་བོད་དོན་གཅིག་ཏུ་བཏགས་ནས་ལ་རྒྱ་དང་འཐབ་རྩོད་ཀྱི་མེ་ལྕེ་འབར་སོང་།
མདོར་ན་གོང་ས་མཆོིག་ནི་ཁོ་ཚོའི་མི་རིགས་ལ་རྒྱའི་སྙིང་སྟོབས་སྐྱེས་སའི་གཞི་མ་ལྟ་བུ་ཆགས་ཡོད།ཐ་ན་གོང་ས་མཆོག་རྒོལ་བ་ལས་ཚེ་སྲོག་བཏང་ན་འོས་པའི་བློ་རྦད་ཆོད་ཀྱི་འདུ་ཤེས་རེ་ཁོག་ཏུ་འཁྲུངས་འདུག གནད་དོན་དེས་ནང་རུལ་དང་ནང་འཁྲུག་འགོག་པའི་ཆ་རྐྱེན་གལ་ཆེན་ཞིག་ཡིན་པས་དམག་དོན་བསྟན་བཅོས་ཁག་གིས་བསྟན་དོན་ལྟར་ན་ནང་ཁུལ་གཅིག་སྒྲིལ་དེ་དམག་འཐབ་པའི་ཆ་རྐྱེན་ཨང་དང་པོ་དེ་འཇོག་ཡོད་པས་ང་ཚོའི་འཐབ་རྩོད་ནང་གི་གལ་གནད་ཆེ་བའི་རྒྱལ་ཁ་ཞིག་རེད་སྙམ།
༣ ༧གོང་ས་མཆོག་ལྷ་རུ་བཏགས་པའི་སྐྱོན་ཆ་གླེང་བ།
གོང་ས་མཆོག་ལྷ་རུ་བཞེངས་པའི་རྟོག་ངོར་ཁོང་ནི་རྟག་པ་དང་ཐེག་ཟུག་འཇིག་པར་མེད་པའི་མཚན་ཉིད་ཅན།མངོན་ལྐོག་ཡོད་ཚད་ཤེས་པའི་ཀུན་མཁྱེན་དང་ཀུན་ལ་སྙོམས་པའི་ཐུགས་བརྩེ་ཅན་གྱི་བདག་ཉིད་ཆེན་པོ་ཞིག་བཞེངས་ཡོད།དེའི་རྐྱེན་པས་ཁོང་གིས་བྱ་བ་གང་མཛད་ཀྱང་་ངལ་བ་དང་ན་བ་དང་ཚ་བ་མེད་པ།ད་དུང་བོད་དོན་དེ་སྤྱན་རས་གཟིགས་ཡིན་པའི་ཆ་ནས་ཁོང་གི་ལས་འགན་ལྟ་བུར་བརྩི་བ་དང་། ལྷག་པར་དུ་༧གོང་ས་མཆོག་གི་ཕྱག་བསྙལ་ས་དག་ན་ང་ཚོའི་ལག་པས་མི་ཐེག་པའི་སྒྱིེད་ལུག་པའི་ལེ་ལོ་སོགས་ཀྱི་རྐྱེན་པས་ང་ཚོས་གོང་ས་མཆོག་གིས་དགོངས་པ་ཡི་རྗེས་མ་ཟིན་པར་འགྲུབ་ཚོད་ཀྱི་ལས་ཀ་མང་པོ་ཞིག་ལྷག་ཡོད།
ཁོང་སྤྱན་རས་གཟིགས་ཡིན་པས་ཁོང་གི་ཅི་མཛད་རང་ཉིད་ཀྱི་བྱས་མི་ཐུབ་པའི་བསམ་བློ་དེའི་དབང་གིས་ད་བར་བོད་པའི་སྤྱི་ཚོགས་ནང་ཁོང་གི་རིང་ལུགས་ཀྱི་རྒྱུད་འཛིན་པ་ཞིག་གཏན་ནས་བྱུང་མེད། གལ་ཏེ་ང་ཚོའི་སྤྱི་ཚོགས་ནང་ཁོང་ལྷ་རུ་བཏགས་པའི་འདུ་ཤེས་དེ་མེད་ན་ཁོང་གི་རིང་ལུགས་འཛིན་གྱི་མི་སྣ་དམའ་མཐའ་ཡང་བཅུ་ཕྲག་ཁ་ཤས་བྱུང་ཡོད་སྲིད།

ལྷག་དོན་དུ་ཁོང་སྤྱན་རས་གཟིགས་དང་རང་ཉིད་ཀྱི་མགོན་པོ་ཡིན་པའི་འདུ་ཤེས་ཀྱིས་ཕ་ཡིས་བུ་དང་།སྦྱིན་བདག་གིས་སྤྲང་པོ་གསོ་པ་ལྟ་བུའི་འདུ་ཤེས་ཀྱིས་རྐྱེན་པས་རེ་བ་དང་གྲ་སྒྲིག་གང་ཡང་མེད་པར་༧གོང་ས་མཆོག་གི་ཕྱག་ལ་བལྟས་རྐྱང་གིས་དུས་ཆོད་བདས་ཀྱི་ཡོད།༧གོང་ས་མཆོག་རང་ཉིད་ཀྱིས་ཀྱང་གནད་དོན་དེ་འདྲ་མུ་མཐུད་ནས་གནས་ན་བོད་དོན་དང་བོད་རིགས་ཀྱི་ངོ་བོར་ཡུན་གནས་མི་ཐུབ་པ་ཤེས་ནས་རང་ཉིད་རྒས་ཡོལ་གྱིོ་བཅོས་བསྒྱུར་ཆེན་པོ་ཞིག་བྱས་ཡོད།དེའི་སྐབས་བོད་མི་མང་པོ་ཞིག་གཅེར་བུ་ལུས་པ་དང་བྱེའུ་ཕྲུག་ཐང་སྟེང་ལྷག་པ་ལྟ་བུའི་ཚོར་སྣང་འོག་དངང་འཚབ་ཆེན་པོ་ཞིག་ལངས་ཡོད་ལ།ལས་དོན་ཡོད་ཚད་གཞི་ནས་སྦྱངས་དགོས་པ་ལྟ་བུའི་སྐྱོན་གནས་ཀྱི་ར་འཕྲོད་ཞིག་ཀྱང་བྱུང་ཡོད།་དེ་དག་ནི་གོང་ས་མཆོག་ལྷ་རུ་བཏགས་པའི་བསམ་བློའི་སྐྱོན་ཆ་ཡིན།
༤ ༧གོང་ས་མཆོག་ལྷ་རུ་བཏགས་པ་ལས་འཕྲོས་པའི་རང་གི་བསམ་ཚུལ་གླེང་བ།
གོང་མཆོག་ལྷ་ཡིན་པས་ལྷ་རུ་བཏགས་ན་གནའ་དེང་གི་རིགས་པ་གང་གིས་གནོད་པ་བབ་མི་སྲིད་ན་ཡང་།གོང་ས་མཆོག་ལྷ་རུ་བཏགས་ན་བཏགས་སྟངས་ཤེས་དགོས།༧གོང་ས་མཆོག་ཕྱག་སྟོང་སྤྱན་སྟོང་སྤྲོས་པ་བོར་ནས་མི་ཡི་ཤ་ཚུགས་སུ་ཕེབས་པ་དེ་ནི་རང་རེིའ་བསོད་ནམས་དང་དབང་ཐང་ལས་ཚད་བཞག་ནས་ཕེབས་པ་རེད།དེ་ནི་རང་རེའི་བསོད་ནམས་ལས་དཔག་པའི་ཤ་ཚུགས་གཅིག་སྤྲུལ་པཡང་་རེད་ལ། རང་ཅག་མི་ཡི་ཤ་ཚུགས་ཤིག་མ་གཏོགས་ལོངས་སྤྱོད་པའི་སྐལ་བ་མེད། དེས་ན་མི་ཡི་ཤ་ཚུགས་བསྟན་པ་ལྟར་སྐྱེས་རྒ་སོགས་དང་།འགྲོ་བ་མི་བྱིངས་ལྟར་ལས་ཀ་གང་བྱས་མཉམ་རུབ་དགོས་པའི་མཛད་པ་སོགས་བསྟན་སྲིད་པ་མ་ཟད།ཐ་ན་ངལ་བ་དང་རྒས་ནས་བགྲེས་ཡོལ་ཉིན་གཅིག་འཇིག་རྟེན་འདི་ནས་བྲལ་པའི་མཛད་པ་ཡང་བསྟན་སྲིད་པའི་གནས་ལུགས་སོགས་ཤེས་པའི་སྒོ་ནས་ལྷ་མཆོག་སྤྱན་རས་གཟིགས་བཏགས་ན་འོས་ཤིང་འཚམས་པར་སེམས་སོ།་

0 བསམ་ཚུལ་འདོན་པ།: