འབའ་པ་སྐལ་བཟང་འཕྲིན་ལས།

འབའ་པ་སྐལ་བཟང་འཕྲིན་ལས།
ང་ནི་ང་རང་ཡིན་ནཡང་། ངས་ད་དུང་རང་ཉིད་འཁྲུལ་མེད་དེ་རྙེད་མ་སོང་། དོན་དམ་པར་རང་ཉིད་ཅི་འདྲ་ཞིག་ཡིན་མིན་ཤེས་པའི་སླད་དུ་རང་ཉིད་ཀྱི་གོམ་པ་འདོར་བཞིན་ཡོད།

གླུ་གར་མིག་གི་དགའ་སྟོན།

Loading...
ཟླ་རེའི་ཡིག་ཚགས།

སྐུ་མགྲོན་ཡོངས་ལ་འཚམས་འདྲི་ཞུ།

༄༅།། བརྡ་འཕྲིན་གྱི་དུས་རབས་སུ་བརྡ་འཕྲིན་ནི་སྲིད་འབྱོར་རིག་སྲིད་གོང་དུ་གསུམ་བཏེགས་པའི་བགྲོད་ལམ་ཡག་ཤོས་དེ་རེད། བརྒྱུད་ལམ་དེ་ནས་མི་ཡི་མངོན་འདོད་མང་པོ་ཞིག་ཐབས་འཚོལ་བྱ་ཐུབ། ཁོ་བོས་ཀྱང་བརྒྱུད་ལམ་ནས་རང་ཅག་གངས་ཅན་པའི་དབུགས་རྔ་དེ་ཡི་བཞུར་རྒྱུན་བསྲིངས་པའི་སླད་དུ། ཟིན་བྲིས་ཞེས་པའི་ཚིག་འབྲུ་གཉིས་པོ་ལ་རིན་ཐང་ཆེན་པོ་འཇོག་བཞིན་ཡོད་ལ། ད་ཐེངས་ཟིན་བྲིས་ཞེས་པའི་ཚིག་འབྲུ་གཉིས་པའི་རིན་ཐང་ལོངས་སུའང་སྤྱོད་ཀྱི་ཡིན། ང་ཡི་ཁྱིམ་གཞི་གསར་པའི་སྒོ་ཁ་ནས་དར་ཚོན་གཅོད་བྲེག་བྱ་སར་ཕེབས་པའི་གྲོགས་པོ་སྐུ་མགྲོན་ཡོངས་ལ་འཚམས་འདྲི་ཞུ།
མཚམས་འདི་ནས་ཟིན་བྲིས་གསར་བཟོ་ཡི་རོགས་གདན་གནང་མཁན་དྲ་རྒྱ་ཆེད་བཟོ་བ་བསོད་ནམས་འོད་ཟེར་མཆོག་ལ་བཀའ་དྲིན་ཆེ་ཞུ།

འབའ་པ་སྐལ་བཟང་འཕྲིན་ལས་ཀྱིས།

བདེ་སྐྱིད་ཟེར་བ་དེ་འདི་རེད།

ཁྱེད་དང་ང་།ང་དང་ཁོ། ལྗིད་ཏིག་ཏིག་གི་ཐ་སྙད་འདི་ནུབ་སོང་ན། འཇིག་རྟེན་འདིར་ས་མཚམས་མེད་ལ། སྣང་མུན་དང་དཀར་ནག་ཟེར་བའི་དཀར་འདོན་གྱི་སྐད་ཆ་དག་ཀྱང་ཆད་འོངས། དུས་དེར་ཁྱེད་ཀྱིས་བདེ་སྐྱིད་ཅེས་པའི་ཚིག་འབྲུ་གཉིས་ཀྱི་འབྲུ་དོན་ཡང་ཤེས་ཚོད་ཡིན།

ཟིན་བྲིས་ཡིག་ཚགས།

སྒེར་གྱི་རྒྱུ་ཆ།

༄༅།། འབའ་ཐང་གི་འགྱུར་ཁུག
འབྲེལ་གཏུགས་ཁ་པར། ༠༩༩༧༢༤༠༧༠༤༨ ཁེའུ་ཁེའུ། 891359375
View my complete profile
འབའ་པ་སྐལ་བཟང་འཕྲིན་ལས།. Powered by Blogger.

དྲྭ་རྒྱ་བཟོ་འགོད་པ་བསོད་ནམས་འོད་ཟེར།
Wednesday, October 24, 2012

      འགྱུར་ཚད་མྱུར་བའི་ལས་འགུལ་གྱི་རྣམ་པ་དང་མ་འོངས་པའི་ཉེན་ཁ།
                                                              འབའ་པ་སྐལ་བཟང་འཕྲིན་ལས།

ལོ་རབས་ལྔ་བཅུ་པར་རྒྱ་དམར་བོད་དུ་དཔུང་འཇུག་བྱས་ཏེ། བོད་ཀྱི་འདོད་བློ་དང་མི་མཐུན་པའི་སྣོད་བཅུད་གཉིས་ཀར་བདག་བཟུང་ཤུགས་ཆེ་བྱས་པར་བརྟེན་ཨ་ལོ་ཆོས་མཛད་སོགས་ཀྱིས་འགོ་ཁྲིད་པའི་མི་མང་ཚོགས་ཞེས་པ་ཞིག་གསར་འཛུགས་བྱས་ནས་བོད་ཀྱི་བདག་པོ་བོད་མི་ཡིན་པའི་སྐོར་སོགས་རྒྱ་གཞུང་ལ་སྙན་ཞུ་དང་། བར་སྐོར་སོགས་སྲང་ལམ་གང་སར་བོད་ཀྱི་བདག་པོ་བོད་མི་ཡིན། རྒྱ་དམར་བོད་ནས་ཕྱིར་རྒྱུགས་ཤིག་བོད་རང་བཙན་གཙང་མ་ཡིན་ཟེར་བའི་འབོད་ཚིག་འཁོད་པའི་ཡིག་ཆ་མང་པོ་འགྲེམས་སྤེལ་བྱས་ཡོད།
Tuesday, October 23, 2012

                  
   ཚུལ་ཁྲིམས་ཀྱི་འགྲུལ་བཞུད།
                                                                འབའ་པ་སྐལ་བཟང་འཕྲིན་ལས།  

                                     གཅིག།

ཟང་ཟིང་ཆེ་བའི་མི་ཚོགས་ཀྱི་འཁྲུག་ཆ་དང་རླངས་འཁོར་སོགས་ཀྱི་སྐད་སྒྲའི་ཁྲོད་ཚུལ་ཁྲིམས་ཀྱི་གདོང་ལ་སུན་སྣང་མངོན་གསལ་ཞིག་གྱོན་ནས་མི་ཚོགས་གསེབ་ཁུག་མ་ཆེན་པོ་ཞིག་སྒལ་པར་འཁྱེར་ཏེ་འགྲོ་བཞིན་འདུག ཚུལ་ཁྲིམས་ནི་ད་བར་དགོན་པ་ཁོ་ནར་བཞུགས་ནས་ནང་པའི་གཞུང་ལུགས་ཁག་ལ་སློབ་གཉེར་གྱི་དུས་འདའ་བ་ལས་གྲོང་དང་གྲོང་ཁྱེར་ཉུལ་བའི་བྱང་ཆ་གཏན་ནས་མེད། ཁོ་ད་ཐེངས་ཕྱི་ལ་ཐོན་དགོས་པ་དེ་ཡང་གཞན་ཅི་ཡང་མ་ཡིན་པར་དྷ་སར་བསྙེན་རྫོགས་སྒྲུབ་པའི་སླད་དུ་རེད།ཁོས་ལོ་གཅིག་གི་སྔོན་ནས་ངོ་ཤེས་ཤིག་ལ་མངགས་བཅོལ་བྱས་པ་བཞིན་སྐུ་སྒེར་ཡིག་ཚང་དུ་བསྙེན་རྫོགས་སྒྲུབ་འཐུས་པའི་ལན་དེ་གློ་བུར་འཐོལ་རྒྱག་ཏུ་འབྱོར་སྟེ་བསྐྱོད་དགོས་བྱུང་ཞིང་།ད་ཐེངས་གློ་བུར་དུ་འགྲུལ་བསྐྱོད་འདིའི་ཁྲོད་མུ་གེའི་གང་ལ་ཟླ་ལྷག་གི་དཔེ་ལྟར་ཚུལ་ཁྲིམས་ཀྱིས་རྒྱ་གར་སྐད་སོགས་གང་ཡང་མི་ཤེས་ཁར་ད་དུང་ལམ་རོགས་སུ་གཅིག་ཀྱང་མ་རག དེའི་དབང་གིས་ཁོའི་བློ་གཏན་ནས་བག་མ་ཕེབས་ཤིང་བོད་མི་སུ་ཐུག་ལ་ཁྱེད་ལྡི་ལིར་འགྲོ་མཁན་ཡིན་ནམ། ཟེར་ནས་དྲིས་ཀྱང་ལྡི་ལིར་འགྲོ་ཡིན་ཟེར་མཁན་སུ་ཡང་མ་ཐུག

          སྟོན་པ་རྙེད་པའི་བསྒྲགས་གཏམ།
_____རྟེན་འབྲེལ་དང་ཞི་བདེའི་སྟོན་པ་༸གོང་ས་ཡིད་བཞིན་ནོར་བུ་མཆོག་དཔྱད་པས་གླེང་བའི་བཅད་མའི་མི་སྐད་ཐོག་མ།   
                                             འབའ་པ་སྐལ་བཟང་འཕྲིན་ལས།  གོ་བོ་ཁམས་ཚན།
ཚན་པ་དང་པོ།     ཞི་བདེའི་སྟོན་པ།
ཁྲག་སྦྱོར་འཕྲལ་ཕུགས་བརྒྱུད་ལམ་སྤྱད་ནས་གནད་དོན་མཐའ་གཅོད་བྱས་པ་ཡི།།
ཉེར་གཅིག་དུས་ཀྱི་ངེས་མེད་འཕར་མཆོང་མིག་མདས་དེད་ནས་མཐར་གཏུགས་དུས།།
སྣོད་བཅུད་གཉིས་ཀ་ཀླད་ཀོར་གྱུར་བའི་མིག་དཔེ་སྟོང་གི་མཇུག་ཐོགས་སུ།།
ཞི་བདེའི་ལས་ཀྱིས་གོ་ལ་བསྐོར་བའི་ཐབས་ཚུལ་ཞིག་གིས་དཔེ་བརྗོད་བཞག།

གང་དུ་སྲོག་ལྡན་གཟིགས་པར་གྱུར་ན་དེའི་ཚེ་མ་རུ་འདུ་ཤེས་ནས།།
ཡོད་ཚད་རང་གི་བྲང་ཁར་གཏད་པའི་གཞུང་ལུགས་ཟབ་མོའི་མཇུག་བྱང་དུ།།
ཁྱེད་དང་ང་ཞེས་རིས་བཅད་ཞི་བའི་རྗོད་ཚིག་འབུར་མ་བཀོད་པ་ཡིས།།
གོ་ལའི་ཐོག་ཏུ་ཞི་བདེའི་རིགས་པར་ལག་ལེན་བྱེད་པའི་སྲོལ་ཀ་ཚུགས།།
Friday, October 12, 2012


           ཟམ་གདོང་སྤྲུལ་སྐུ་མཆོག་གི་མཛད་རྣམ།

ཟམ་གདོང་རིན་པོ་ཆེ་སྐུ་ཕྲེང་དང་པོ་དགེ་བཤེས་འཕགས་པ་རབ་དགའ་མཆོག་ནི་༧རྒྱལ་མཆོག་སྐུ་ཕྲེང་བདུན་པའི་སྐབས་སུ་ཁམས་འཇོལ་པའི་ཡུལ་དུ་དགོན་གསུམ་མཁན་པོར་བཀོད་འདུག  མཁན་པོའི་རིང་བསླབ་ཁྲིམས་དང་མང་ཚོགས་ལ་ཕན་ཐོགས་ཧ་ཅང་ཡག་པོ་བསྒྲུབས་པར་བརྟེན་མཁན་པོའི་ཁྲི་ལས་ཟུར་རྗེས་སུ་བདེ་ཆེན་གླིང་དགོན་པས་རེ་སྐུལ་ལྟར་ཁོ་ཚོའི་བླ་སྐལ་དུ་བཞུགས་ནས་བསྟན་འགྲོའི་དོན་དུ་མཛད་པ་མཐའ་འཁྱོངས་གནང་།
ཟམ་གདོང་རིན་པོ་ཆེ་སྐུ་ཕྲེང་གཉིས་པ་བསྟན་པའི་ཉི་མ་མཆོག་ནི་ཁམས་འཇོལ་བ་ལྡིང་མདའ་ཟམ་གདོང་ཚང་དུ་སྐུ་འཁྲུངས།
སྐུ་གོང་མ་ཞིང་དུ་གཤེགས་རྗེས་ཡང་སྲིད་འཚོལ་དགོས་མིན་ཐད་གྲོས་བསྡུར་བྱས་ནས་ཡང་སྲིད་འཚོལ་མི་དགོས་རྒྱུའི་མཐའ་གཅོད་བྱས་ཀྱང་།ཆུང་དུས་སྨྲ་བརྗོད་ཐུབ་ཙམ་ནས་ང་འདིར་སྡོད་ཀྱི་མིན།བདེ་ཆེན་གླིང་གི་བདག་པོ་ཡིན་ཞེས་ཡང་ཡང་གསུངས་ཀྱི་ཡོད།ཉིན་ཞིག་ཕ་མ་དང་ལྷན་ཁ་བ་དཀར་པོ་མཇལ་བཅར་སྐབས་དགའ་ལྡན་གླིང་དུ་ཕེབས་ནས་དེར་ཡོད་གྲྭ་བ་ཚོ་ངོ་ཤེས་པ་སོགས་སྔོན་གནས་རྗེས་དྲན་གྱི་རྟགས་དང་མཚན་མ་མང་པོ་བྱུང་བར་བརྟེན་དགོན་གསུམ་མཁན་པོའི་ཡང་སྲིད་དུ་ངོས་འཛིན་བྱས། སྐུ་ཕྲེང་དེ་ནས་བཟུང་ཟམ་གདོང་བླ་མ་ཞེས་པའི་མཚན་དེ་ཆགས།
ཟམ་གདོང་རིན་པོ་ཆེ་སྐུ་ཕྲེང་གསུམ་པ་བསྟན་པའི་རྒྱལ་མཚན་ཡང་ཟམ་གདོང་གོང་མའི་ཡང་སྲིད་དུ་ངོས་འཛིན་བྱས་ནས་སྔར་་བཞིན་དགོན་བདག་མཛད་དེ་བསྟན་འགྲོའི་དོན་དུ་མཛད་པ་རླབས་ཆེན་གནང་མཐར་ཞིང་ཁམས་གཞན་དུ་གཤེགས་སོ།
ཟམ་གདོང་རིན་པོ་ཆེ་སྐུ་ཕྲེང་བཞི་པ་བློ་བཟང་འཕགས་པ་ཚུལ་ཁྲིམས་རྒྱ་མཚོ་མཆོག་ནི་ཁམས་རྒྱལ་ཐང་རོང་པ་ཞེས་པའི་ཡུལ་དུ་སྐུ་འཁྲུངས།སྔོན་བཞིན་བསླབ་གཉེར་གནང་ནས་བསྟན་འགྲོའི་མཛད་པ་གནང་མཐར་ཞིང་དུ་གཤེགས།
 

ཟམ་གདོང་རིན་པོ་ཆེ་སྐུ་ཕྲེང་ལྔ་པ་བཀའ་བློན་ཁྲི་ཟུར་མཁས་དབང་ཟམ་གདོང་རིན་པོ་ཆེན་མཆོག་་ཕྱི་ལོ་༡༩༣༩ལོའ་ཟླ་༡༡ཚེ་༥ཉིན་མདོ་ཁམས་འཇོལ་ནགས་འབྲུག་ཏུ་ཡབ་མགོན་པོ་བསོད་ནམས་དང་།ཡུམ་པདྨ་མཁའ་འགྲོ་གཉིས་ཀྱི་རིགས་ཀྱི་སྲས་སུ་ཞིང་པ་དབུལ་པོ་ཞིག་གི་ཁྱིམ་དུ་སྐུ་འཁྲུངས།སྐུ་ན་ཕྲ་བའི་དུས་ཉིད་ནས་བྱིས་པ་ཐ་མལ་པའི་ངང་ཚུལ་ལས་འདས་པའི་སྐུའི་རྣམ་འགྱུར་དང་།གསུང་གི་བརྗོད་པ།
Sunday, September 4, 2011
               སྒྱུ་རྩལ་རྩོམ་རིག་ལས་འཕྲོས་པའི་སྐད་ཆ་འགའ།
                                               འབའ་པ་སྐལ་བཟང་འཕྲིན་ལས།
                                 
སྒྱུ་རྩལ་ཞེས་པའི་ཚིག་འབྲུ་གཉིས་ཀྱི་བསྟན་དོན་འགྲེལ་པ།
སྤྱིར་སྒྱུ་རྩལ་ཞེས་པ་ནི་ཐོད་བརྒལ་རང་བཞིན་གྱི་ནུས་ཤུགས་ཤིག་གི་བརྡ་ཆད་ཡིན་པས་སྒྱུ་རྩལ་ནི་ཐོད་བརྒལ་རང་བཞིན་ཅན་གྱི་སྒུལ་ཤུགས་ཞིག་གོ་དགོས་ལ། དེ་ལ་རིགས་བཀར་ན་ལུས་ངག་ཡིད་གསུམ་གྱི་སྒྱུ་རྩལ་དང་ཡང་ན་དྲུག་ཅུ་རེ་གྲངས་ཀྱི་དབྱེ་བ་ཡོད་ཆོག་ལ། ལུས་ཀྱི་སྒྱུ་རྩལ་ངོས་ནས་སྒྱུ་རྩལ་གྱི་རིན་ཐང་འཚོལ་དུས་ཀྱང་རྒན་པོ་ཡི་འཁྱོག་འགྲོས་ལྟ་བུ་ལུས་ཀྱི་རྒྱུ་རྩལ་ཁོངས་སུ་བསྡུས་ན་མི་འགྲིོག་པས་ངེས་པར་དུ་ཕྲ་ལྡེམ་གཡོ་འགུལ་གྱི་ཐོད་བརྒལ་རང་བཞིན་ལྡན་པའི་འགུལ་སྟངས་ཤིག་འདེམས་དགོས་པ་ལྟ་བུ་རེད།
Monday, April 18, 2011
༧གོང་ས་མཆོག་ལྷ་རུ་བཏགས་པའི་དགེ་སྐྱོན་གླེང་བ།
༡ ༧གོང་ས་མཆོག་ལྷ་རུ་བཏགས་པའི་བསམ་བློའི་ཐོག་མའི་རྐྱེན་རྩ།
བོད་གངས་ཅན་ལྗོངས་སུ་ནང་པའི་ཆོས་དེ་དར་ཁྱབ་བྱུང་ནས་བཟུང་ནས་ཆོས་ལུགས་ཀྱིས་མཆོད་ཁང་དང་ཆོས་པ་ཙམ་ལས་བརྒལ་ནས་བོད་མི་བྱིངས་ཀྱི་སྒོ་གསུམ་གྱི་གོ་སར་ཡོད་ཚད་བཙན་འཛུལ་བྱས་ཡོད། ལེགས་ཉེས་ཀྱི་དབྱེ་བ་འབྱེད་བྱེད་དེ་ནང་ཆོས་ཁོ་ནས་ཚད་འཇལ་འབྱེད་དགོས་པར་ཆགས་ཡོད།།ནམ་རྒྱུན་འཚོ་བའི་ཁྲོད་ཆོས་ཀྱི་བསླབ་བྱ་དང་མཐུན་པའི་བྱ་བ་ཞིག་ཕྱིན་མི་རང་ཉིད་ཀྱི་སྒོ་གསུམ་གྱི་བག་ཕེབས་ལ་མིག་མཐོང་ལག་ཟིན་གྱི་དོ་ཕོག་ཇི་ལྟར་བྱུང་ཡང་ཇི་མི་སྙམ་པར་སྤྲོ་བ་ངང་ནས་འཇུག་རྐྱང་རེད་ལ།ཆོས་ཀྱི་བསླབ་ཁྲིམས་ལས་བརྒལ་བའི་མིག་མཐོང་ལག་ཟིན་གྱི་ཞིམ་པོ་མངར་མོ་ཇི་ལྟར་ཕྲད་ན་ཡང་འཕྲལ་བདེ་ཞེས་པའི་ཚིག་གིས་བསྙད་ནས་དེ་ཙམ་དགའ་མོས་དང་སྤྲོ་བ་མི་བྱེད་།
Friday, April 15, 2011

གྲང་ཤུར་ཤུར་གྱི་སྐྱེ་རྒུ་མདོ།
༤ ༡༤ དོན་རྐྱེན་ཁྲོད་གཅེར་བུར་ཕྱུང་པའི་སྣོད་བཅུད་གཉིས་ལ་མྱ་ངན་ཞུ།
                                                                                       འབའ་པ་སྐལ་བཟང་འཕྲིན་ལས།
གནས་ས་འཐབ་འཁྲུག་བྱས་པའི་ཉིན་ནག་ཉིན།།
རི་ཀླུང་ཕྱེ་མར་འཐག་པའི་དོན་རྐྱེན་ནང་།།
སྣོད་བཅུད་གཅེར་བུར་ཕྱུང་པའི་སྐྱོ་གནས་ལ།།
ཐུགས་རྗེས་གཟིགས་པ་མ་ཆུང་སྤྱན་རས་གཟིགས།།

ཁྱེད་ཀྱི་རྐང་འོག་ཚུད་པའི་སྣོད་བཅུད་ཁྲོད།།
གནམ་ས་སྟེང་འོག་བརྗེ་བའི་དུས་ཚིགས་སུ།།
སྨུག་མདོག་ལང་འཚོ་མཆེད་པའི་སྣོད་བཅུད་ཀྱི།།
རང་གི་གཞི་གདན་བཙན་གྱི་བརྗེ་དགོས་འཁེལ།།