འབའ་པ་སྐལ་བཟང་འཕྲིན་ལས།

འབའ་པ་སྐལ་བཟང་འཕྲིན་ལས།
ང་ནི་ང་རང་ཡིན་ནཡང་། ངས་ད་དུང་རང་ཉིད་འཁྲུལ་མེད་དེ་རྙེད་མ་སོང་། དོན་དམ་པར་རང་ཉིད་ཅི་འདྲ་ཞིག་ཡིན་མིན་ཤེས་པའི་སླད་དུ་རང་ཉིད་ཀྱི་གོམ་པ་འདོར་བཞིན་ཡོད།
ཟླ་རེའི་ཡིག་ཚགས།

སྐུ་མགྲོན་ཡོངས་ལ་འཚམས་འདྲི་ཞུ།

༄༅།། བརྡ་འཕྲིན་གྱི་དུས་རབས་སུ་བརྡ་འཕྲིན་ནི་སྲིད་འབྱོར་རིག་སྲིད་གོང་དུ་གསུམ་བཏེགས་པའི་བགྲོད་ལམ་ཡག་ཤོས་དེ་རེད། བརྒྱུད་ལམ་དེ་ནས་མི་ཡི་མངོན་འདོད་མང་པོ་ཞིག་ཐབས་འཚོལ་བྱ་ཐུབ། ཁོ་བོས་ཀྱང་བརྒྱུད་ལམ་ནས་རང་ཅག་གངས་ཅན་པའི་དབུགས་རྔ་དེ་ཡི་བཞུར་རྒྱུན་བསྲིངས་པའི་སླད་དུ། ཟིན་བྲིས་ཞེས་པའི་ཚིག་འབྲུ་གཉིས་པོ་ལ་རིན་ཐང་ཆེན་པོ་འཇོག་བཞིན་ཡོད་ལ། ད་ཐེངས་ཟིན་བྲིས་ཞེས་པའི་ཚིག་འབྲུ་གཉིས་པའི་རིན་ཐང་ལོངས་སུའང་སྤྱོད་ཀྱི་ཡིན། ང་ཡི་ཁྱིམ་གཞི་གསར་པའི་སྒོ་ཁ་ནས་དར་ཚོན་གཅོད་བྲེག་བྱ་སར་ཕེབས་པའི་གྲོགས་པོ་སྐུ་མགྲོན་ཡོངས་ལ་འཚམས་འདྲི་ཞུ།
མཚམས་འདི་ནས་ཟིན་བྲིས་གསར་བཟོ་ཡི་རོགས་གདན་གནང་མཁན་དྲ་རྒྱ་ཆེད་བཟོ་བ་བསོད་ནམས་འོད་ཟེར་མཆོག་ལ་བཀའ་དྲིན་ཆེ་ཞུ།

འབའ་པ་སྐལ་བཟང་འཕྲིན་ལས་ཀྱིས།

བདེ་སྐྱིད་ཟེར་བ་དེ་འདི་རེད།

ཁྱེད་དང་ང་།ང་དང་ཁོ། ལྗིད་ཏིག་ཏིག་གི་ཐ་སྙད་འདི་ནུབ་སོང་ན། འཇིག་རྟེན་འདིར་ས་མཚམས་མེད་ལ། སྣང་མུན་དང་དཀར་ནག་ཟེར་བའི་དཀར་འདོན་གྱི་སྐད་ཆ་དག་ཀྱང་ཆད་འོངས། དུས་དེར་ཁྱེད་ཀྱིས་བདེ་སྐྱིད་ཅེས་པའི་ཚིག་འབྲུ་གཉིས་ཀྱི་འབྲུ་དོན་ཡང་ཤེས་ཚོད་ཡིན།

ཟིན་བྲིས་ཡིག་ཚགས།

སྒེར་གྱི་རྒྱུ་ཆ།

༄༅།། འབའ་ཐང་གི་འགྱུར་ཁུག
འབྲེལ་གཏུགས་ཁ་པར། ༠༩༩༧༢༤༠༧༠༤༨ ཁེའུ་ཁེའུ། 891359375
View my complete profile
འབའ་པ་སྐལ་བཟང་འཕྲིན་ལས།. Powered by Blogger.

དྲྭ་རྒྱ་བཟོ་འགོད་པ་བསོད་ནམས་འོད་ཟེར།
Monday, January 17, 2011
Add caption
    ཡུལ་སྲོལ་རིག་གཞུང་ཡོད་ཚད་ནི་འགྲོ་བ་མིའི་འཚོ་ཐབས་ཀྱི་ཆོ་ག་ཡིན་ལ།ཅི་སྟེ་ཉིན་རེ་ཉིན་རེ་ཡི་འཚོ་བའི་ལག་ལེན་ཁྲོད་དུ་དགོས་མཁོའི་སྟོང་ཆ་ཁག་བསྐང་མི་ཐུབ་ན། ཨ་འཐས་ཀྱིས་རོ་འཐམ་མ་བྱས་པར་ཚུར་ལེན་གྱི་སྙིང་སྟོབས་སྤྱད་དེ་སྙིགས་དོར་བཅུད་ལེན་དང། རྙིང་དོར་གསར་ལེན་གྱི་བྱ་གཞག་སྤེལ་ནས་འཚོ་བའི་དཔལ་ཡོན་སྐྲུན་ཐབས་བྱ་འོས།
Saturday, January 15, 2011

                                          རི་མོའི་ཁྲོད་ན་འགྲེང་པའི་ང་།
སྣ་ཚོགས་སྒྱུ་མའི་འཕྲུལ་གྱིས་བསྐྲུན་པའི་རི་བྱའི་སྒོང་ངའི་སྦུབས་གཏོར་ནས།།
ཉི་མའི་འོད་ཀྱི་གསལ་ཆ་འོག་ཏུ་གོམ་པའི་འདེགས་འཇོག་བྱེད་ཉིན་ནས།།
འདུ་འཛིན་རྦ་རླབས་གྱེན་དུ་འཕྱུར་པའི་ས་མཐའི་མཐིང་ནག་རྒྱ་མཚོ་རུ།།
ཅི་ཞིག་འཚོལ་བའི་འདུན་པ་ཞིག་གིས་བྲང་ཁོག་ལེབ་མོར་རྔ་བཞིན་བརྡུང་།།
༡  ལོ་གསར་ཚེས་གསུམ་ཉིན་གྱི་སྐྱ་མདའ་བཏང་དུས་ནས་གྲོང་སྡེའི་སྐྱེས་པ་ཚང་མས་གཟབ་འཆོར་དྲག་བ་དག་སྤྲས།བེའུ་དང་རལ་གྲི་དག་འདོགས་ཤིང༌།རྟ་ཅང་ཤེས་དང་འདྲ་བ་དག་ལ་ཆིབས་ནས་ཀི་སྒྲ་འུར་སྒྲ་དང་བཅས་ལྷ་འདུས་རི་བོར་བསང་གཏོང་བར་འགྲོ་སོང༌།
                               གསེར་གྱི་ལྷ་ཁང་དུ་བསྐྱོད་པ།
                                                                                     འབའ་པ་སྐལ་བཟང་འཕྲིན་ལས།
གནས་འདི་ན་དབེན་ཐང་ཐང་།སྟོང་སངས་སངས།ཅི་ཞིག་བོར་བའི་སྣང་བ་སྟེར།


ལོ་གཅིག་གི་སྔོན་ཁོ་བོ་འདི་གར་བསྙེགས་དུས་ཆེས་སྨུག་མདོག་འབར་བའི་གླིང་འདི་ཡི་སྤྲོས་པ་རྣམས་་ད་ལྟ་གང་གི་དབྱིངས་སུ་བསྡུས་པ་ཡིན་ནམ།གསེར་གྱི་རྒྱ་ཕིབས་སྤྲས་ཤིང་།ལྷ་དང་ལྷ་མོ་ཚོགས་ཀྱིས་གཡས་སྐོར་གཡོན་སྐོར་རྒྱག་པའི་ཟངས་མདོག་དཔལ་རི་ཡང་།ཕ་མས་བོར་བའི་ཕྲུ་གུ་བཞིན་ཁང་བརྩེགས་ཀྱི་དཀྱིལ་དུ་མྱ་ངན་གྱི་མདངས་ཤིག་འཁྱེར་ཏེ།ཀྲོང་ངེར་འགྱིང་འདུག། ལྷ་ཁང་གི་སྒོ་སྟེང་ཀེར་པའི་གཤེགས་ཟིན་པའི་སེམས་དཔའ་གང་གི་སྐུ་བརྙན་རིན་པོ་ཆེར་ཡལ་དུ་མེད་པའི་འཛུམ་མདངས་ཤིག་འཕྱུར་བཞིན་ཕྱིར་མིག་འོག་གི་འགྲོ་བ་རྣམས་ལ་ཞེ་སྟིང་ནས་གཟིགས་པའི་ཚུལ་འདི་ང་ཡི་མིག་ལམ་དུ་མངོན་བྱུང་།

Thursday, January 13, 2011
དགའ་བ་བརྒྱ་ལྡན་གཞུང་དང་སྤྱི་ཚོགས་སྡེ།
ཆོལ་ཁ་ཆོས་ལུགས་སོགས་ཀྱི་མཐུན་ལམ་ལ།
གནོད་འགྱུར་དབྱེན་སྦྱོར་བརྗོད་ཚིག་རྩུབ་མོ་དག
ཟིན་བྲིས་རྭ་བ་འདིར་ན་བཀག་རྒྱ་ཡོད།
སྨྱུུག་མིང་མུན་པ་སྟུག་པོའི་གཏིང་རིམ་ནས།
ཕྱོགས་རིས་ཐན་སྐད་འབྱིན་པའི་འབྱུང་བྱ་དག
ལེགས་བཤད་འོད་ཀྱི་ཁེངས་པའི་དོ་ར་འདིར།
རྒྱུ་བའི་གནས་མིན་དེ་ཡང་ཤེས་པར་མཛོད།
Tuesday, January 11, 2011
ཁ་བ་བབས་པའི་རྗེས་ལ།།ཁ་ཤུལ་ཉི་དྲོ་བྱུང་།ཟེར་བའི་གནའ་མི་ཡི་གཏམ་དཔེ་དེ་ཅི་མི་བདེན།ཉིན་མཚན་བསྟུན་མར་ཁ་བའི་མལ་གོས་ཁྲོད་དུ་གཟིམ་པའི་དྷ་སའི་རི་གྲོང་ཡང་།དེ་རིང་སེར་ལམ་ལམ་གྱི་ཉི་ངོགས་སུ་སྤྲོ་མདངས་ཤིག་མངོན་བཞིན་འགྱིང་འདུག།
ཨེ་ཤ་ཡ་རང་དབང་རླུང་འཕྲིན་ཁང་གི་རྒྱ་སྐད་སྡེ་ཚན་གྱི་གཙོ་སྐྱོང་བ་ལྕམ་བེ་མིང་གིས་ཉེ་ཆར་ང་འབོད་འགུག་གིས་ཆེད་དུ་བཅར་འདྲི་འགའ་བྱས་བྱུང་།འབུར་དུ་ཐོན་པའི་དྲི་བ་ཞིག་འདོན་པ་དེ་ནི་ཏྰ་ལའི་བླ་མ་བོད་མའིསེམས་སུ་ཇི་འདྲ་གནས་ཡོད་པ་ཡིན་ནམ།དེའི་ཟབ་ཚད་གང་འདྲ་ཡིནནམ་ཟེར་བ་དག་རེད། དེ་ནས་ངས་གཏམ་རྒྱུད་ཅིག་བཤད་པ་ཡིན།  གསུང་བཤད་དེ་བོད་ཀྱི་ས་ཁུལ་གང་སར་ཁྱབ་རྗེས།བོད་མི་༢༠༠༦ལོར་ཚེས་མ་ཐག་གོང་ས་ཏྰ་ལའི་བླ་མ་མཆོག་གིས་སྟོན་པ་སངས་རྒྱས་ཀྱིས་ཆོས་འཁོར་བསྐོར་ཡུལ་གྱི་བྱང་ཆུབལྗོན་ཤིང་འོག་ཏུ་ དུས་འཁོར་དབང་ཆེན་གྱི་བཀའ་དབང་གནང་སྐབས་སུ།བོད་ཀྱི་ས་ཆ་གང་སར་རིན་གོང་ཆེ་ ཞིང་སྟོངས་ལ་ཉེ་བའི་གཅན་གཟན་ལྤགས་རིགས་ཉོ་ཚོང་དང་རྒྱན་གོས་བྱས་པའི་ཐད་ནན་ ཏན་སྒོ་ནས་གསུང་དོན་་ཁྱོད་ཚོས་འདི་ལྟར་བྱས་ན་ང་ཏྰ་ལའི་བླ་མ་ངོ་ཚ་གིན་འདུག རྒྱལ་སྤྱི་ཡི་སྡིངས་ཆ་སྟེང་བོད་མི་རིགས་ལཆེད་དུ་མིང་ངན་བཟོས་ཀྱི་འདུག གཏན་ནས་ཡག་པོ་མ་རེད།ངེས་པར་དུ་མཚམས་འཇོག་བྱེད་དགོས་ཀྱིན་འདུག་ཅེས་གསུངས།
དབྱར་གྱི་ལང་ཚོ་རླུང་གིས་དེད་ཅིང་རྩ་ལྡུམ་གྱི་ཤུལ་ལས་མེད་པའི་ཤམྦྷ་ལ་དེ་རྟོགས་བརྗོད་ཀྱི་དེབ་ཐེར་བར་ན་འགུལ་ བཞིན་པའི་ཤམྦྷ་ལ་ལས་ལེ་བ་སྟོང་ཕྲག་དུ་མས་ཆོད་འདུག གནས་འདི་ན་ངེས་འབྱུང་རྣལ་མ་ཞིག་སྐྱེས་ནས་བྱ་བ་ཡོད་ཚད་གཏང་རྒྱུའི་ཆོད་སེམས་ ཐེངས་འགའ་སྐྱེས་ན་ཡང་།སྦས་མི་ཐུབ་པའི་ཞེན་ཆགས་དེས་རང་དབང་མེད་པར་གནས་འདི་ན་
དེ་རིང་ནི་གཟའ་པ་སངས་རེད། ཁོ་བོ་ནམ་རྒྱུན་ལྟར་ཟ་ཁང་དུ་ཟ་བཏུང་པར་སོང་། དགོན་པའི་ལམ་ཆེན་གྱི་གསུམ་མདོ་ན་ཚགས་པར་གསོལ། ཚགས་པར་གསོལ། ཧ་ཅང་ཆ་རྒྱུས་ཡོད་པའི་སྐད་ངག་དེས་དེ་རིང་རེས་གཟའ་པ་སངས་ཡིན་པར་སྒྲོག་པའི་བརྡ་ཞིག་རེད་ལ།བང་ཆེན་གསར་འགོད་པ་ཐུབ་བསྟན་བཀྲིས་སླེབས་ཡོད་པའི་མཚན་མ་ཡང་རེད།ཁོས་རྒྱུན་ལྡན་གྱི་གོན་པ་བབ་ཆགས་པོ་དེ་གྱོན་ནས་ལག་ཏུ་ཚགས་པར་ལྟེབ་ཆག་པ་ཞིག་འཁྱེར་ནས་བཙོང་བཞིན་འདུག  གྲྭ་བ་ཚོས་འཚང་ཤིག་ཤིག་གིས་ཚགས་པར་ཉོ་བཞིན་འདུག་པས་དེ་མ་ཐག་འགྲིམ་རྒྱུག་ཆེ་བའི་ཚགས་པ་དེ་དང་དང་འགྲེམས་སྤེལ་པའམ་གསར་འགོད་པ་གཉིས་ཀའི་སྣང་བརྙན་མང་པོ་ཞིག་མིག་སྔར་འཆར་བྱུང་
ངས་སང་ཉིན་གླེང་
ཁྱེད་ཀྱིས་ཀྱང་སང་ཉིན་གླེང་
ཁྱེད་དང་ང་གཉིས་ཀྱི་གླེང་གཞི་གཅིག་ཡིན་ན་ཡང་
མིག་ངོགས་སང་ཉིན་གྱི་ཚོན་མདངས་གཏན་ནས་མི་གཅིག