འབའ་པ་སྐལ་བཟང་འཕྲིན་ལས།

འབའ་པ་སྐལ་བཟང་འཕྲིན་ལས།
ང་ནི་ང་རང་ཡིན་ནཡང་། ངས་ད་དུང་རང་ཉིད་འཁྲུལ་མེད་དེ་རྙེད་མ་སོང་། དོན་དམ་པར་རང་ཉིད་ཅི་འདྲ་ཞིག་ཡིན་མིན་ཤེས་པའི་སླད་དུ་རང་ཉིད་ཀྱི་གོམ་པ་འདོར་བཞིན་ཡོད།
ཟླ་རེའི་ཡིག་ཚགས།

སྐུ་མགྲོན་ཡོངས་ལ་འཚམས་འདྲི་ཞུ།

༄༅།། བརྡ་འཕྲིན་གྱི་དུས་རབས་སུ་བརྡ་འཕྲིན་ནི་སྲིད་འབྱོར་རིག་སྲིད་གོང་དུ་གསུམ་བཏེགས་པའི་བགྲོད་ལམ་ཡག་ཤོས་དེ་རེད། བརྒྱུད་ལམ་དེ་ནས་མི་ཡི་མངོན་འདོད་མང་པོ་ཞིག་ཐབས་འཚོལ་བྱ་ཐུབ། ཁོ་བོས་ཀྱང་བརྒྱུད་ལམ་ནས་རང་ཅག་གངས་ཅན་པའི་དབུགས་རྔ་དེ་ཡི་བཞུར་རྒྱུན་བསྲིངས་པའི་སླད་དུ། ཟིན་བྲིས་ཞེས་པའི་ཚིག་འབྲུ་གཉིས་པོ་ལ་རིན་ཐང་ཆེན་པོ་འཇོག་བཞིན་ཡོད་ལ། ད་ཐེངས་ཟིན་བྲིས་ཞེས་པའི་ཚིག་འབྲུ་གཉིས་པའི་རིན་ཐང་ལོངས་སུའང་སྤྱོད་ཀྱི་ཡིན། ང་ཡི་ཁྱིམ་གཞི་གསར་པའི་སྒོ་ཁ་ནས་དར་ཚོན་གཅོད་བྲེག་བྱ་སར་ཕེབས་པའི་གྲོགས་པོ་སྐུ་མགྲོན་ཡོངས་ལ་འཚམས་འདྲི་ཞུ།
མཚམས་འདི་ནས་ཟིན་བྲིས་གསར་བཟོ་ཡི་རོགས་གདན་གནང་མཁན་དྲ་རྒྱ་ཆེད་བཟོ་བ་བསོད་ནམས་འོད་ཟེར་མཆོག་ལ་བཀའ་དྲིན་ཆེ་ཞུ།

འབའ་པ་སྐལ་བཟང་འཕྲིན་ལས་ཀྱིས།

བདེ་སྐྱིད་ཟེར་བ་དེ་འདི་རེད།

ཁྱེད་དང་ང་།ང་དང་ཁོ། ལྗིད་ཏིག་ཏིག་གི་ཐ་སྙད་འདི་ནུབ་སོང་ན། འཇིག་རྟེན་འདིར་ས་མཚམས་མེད་ལ། སྣང་མུན་དང་དཀར་ནག་ཟེར་བའི་དཀར་འདོན་གྱི་སྐད་ཆ་དག་ཀྱང་ཆད་འོངས། དུས་དེར་ཁྱེད་ཀྱིས་བདེ་སྐྱིད་ཅེས་པའི་ཚིག་འབྲུ་གཉིས་ཀྱི་འབྲུ་དོན་ཡང་ཤེས་ཚོད་ཡིན།

ཟིན་བྲིས་ཡིག་ཚགས།

སྒེར་གྱི་རྒྱུ་ཆ།

༄༅།། འབའ་ཐང་གི་འགྱུར་ཁུག
འབྲེལ་གཏུགས་ཁ་པར། ༠༩༩༧༢༤༠༧༠༤༨ ཁེའུ་ཁེའུ། 891359375
View my complete profile
འབའ་པ་སྐལ་བཟང་འཕྲིན་ལས།. Powered by Blogger.

དྲྭ་རྒྱ་བཟོ་འགོད་པ་བསོད་ནམས་འོད་ཟེར།
Tuesday, February 8, 2011

                                    འོད་ཟེར་གྱིས་བརྩམས།   
                                                                                         
                  འབའ་པ་སྐལ་བཟང་འཕྲིན་ལས་ཀྱིས་བསྒྱུར།                                                                                                                                                                                                                                    
ཨེ་ཤི་ཡ་རང་དབང་རླུང་འཕྲིན་ཁང་གི་རྒྱ་སྐད་སྡེ་ཚན་གྱི་གཙོ་སྐྱོང་བ་ལྕམ་བེ་མིང་གིས་ཉེ་ཆར་ང་འབོད་འགུག་གིས་ཆེད་དུ་བཅར་འདྲི་འགའ་བྱས་བྱུང་།འབུར་དུ་ཐོན་པའི་དྲི་བ་ཞིག་འདོན་པ་དེ་ནི་ཏྰ་ལའི་བླ་མ་བོད་མའི་སེམས་སུ་ཇི་འདྲ་གནས་ཡོད་པ་ཡིན་ནམ།དེའི་ཟབ་ཚད་གང་འདྲ་ཡིན་ནམ་ཟེར་བ་དག་རེད།
དེ་ནས་ངས་གཏམ་རྒྱུད་ཅིག་བཤད་པ་ཡིན།༢༠༠༦ལོར་ཚེས་མ་ཐག་གོང་ས་ཏྰ་ལའི་བླ་མ་མཆོག་གིས་སྟོན་པ་སངས་རྒྱས་ཀྱིས་ཆོས་འཁོར་བསྐོར་ཡུལ་གྱི་བྱང་ཆུབ་ལྗོན་ཤིང་འོག་ཏུ་དུས་འཁོར་དབང་ཆེན་གྱི་བཀའ་དབང་གནང་སྐབས་སུ།བོད་ཀྱི་ས་ཆ་གང་སར་རིན་གོང་ཆེ་ཞིང་སྟོངས་ལ་ཉེ་བའི་གཅན་གཟན་ལྤགས་རིགས་ཉོ་ཚོང་དང་རྒྱན་གོས་བྱས་པའི་ཐད་ནན་ཏན་སྒོ་ནས་གསུང་དོན་་ཁྱོད་ཚོས་འདི་ལྟར་བྱས་ན་ང་ཏྰ་ལའི་བླ་མ་ངོ་ཚ་གིན་འདུག རྒྱལ་སྤྱི་ཡི་སྡིངས་ཆ་སྟེང་བོད་མི་རིགས་ལ་ཆེད་དུ་མིང་ངན་བཟོས་ཀྱི་འདུག གཏན་ནས་ཡག་པོ་མ་རེད།ངེས་པར་དུ་མཚམས་འཇོག་བྱེད་དགོས་ཀྱིན་འདུག་ཅེས་གསུངས།
གསུང་བཤད་དེ་བོད་ཀྱི་ས་ཁུལ་གང་སར་ཁྱབ་རྗེས།བོད་མི་དམངས་ཁྲོད་དུ་རང་འགུལ་ཐོག་ནས་འགུལ་སྐྱོད་བརྒྱབ་སོང་།བོད་མི་ཁྲི་སྟོང་མང་པོས་རིན་གོང་ཆེ་བའི་སྟག་གཟིག་གི་པགས་པའི་རྒྱན་གོས་ཡོད་ཚད་མི་ནང་དུ་བསྲེགས་ཐལ། དེའི་སྐབས་སུ་གུང་ཁྲན་ཏང་གི་ལས་བྱེད་རྣམས་ཁོང་ཁྲོ་མེ་ལྟར་འབར་ཏེ་ལག་པས་མདུན་ལྕོག་གང་ཁྲག་སྒྲ་དང་བཅས་རྒྱོབ་བཞིན། ང་ཚོས་ལྤགས་རིགས་བསྡུས་མེད།མེ་རུ་བསྲེགས་པའི་ཁྲལ་ཡང་བཏང་མེད།འོན་ཀྱང་ཁོ་ཚོསཏྰ་ལའི་བླ་མའི་སྐད་ཆ་ཚིག་གཅིག་གིས་རང་འགུལ་གྱི་ཐོག་ནས་རིན་ཐང་ཆེ་བའིོ་པགས་རིགས་ཡོངས་རྫོགས་མེ་རུ་སྲེག་པ་རེད་ཅེས་སྐད་ཅོ་བརྒྱབ།ད་དུང་ཛ་དྲག་གི་ཡིག་ཆ་དམར་པོ་ཅན་ནང་དུ་ཏྰ་ལའི་བླ་མའི་ལག་ནས་བོད་དམངས་ཀྱི་སེམས་པ་ཚུར་ལེན་ཐབས་བྱ་དགོས་ཞེས་འཁོད་འདུག ཡང་བློ་ཐབས་གཞན་ཞིག་ནི་ལྤགས་རིགས་མེ་རུ་བསྲེག་མི་ཆོག་པ་དང་དུས་ཆེན་སོགས་ཀྱི་སྐབས་སུ་ངེས་པར་དུ་གྱོན་དགོས་ཟེར།སྐད་ཆ་དེ་རྔ་ཆེན་རྡུང་པ་ལྟར་གང་སར་ཁྱབ་ཀྱང་།བོད་མི་ཚོས་ལྤགས་རིགས་རྒྱན་གོས་གཏན་ནས་མི་གྱོན་པ་མ་ཟད།རྒྱན་གོས་གྱོན་མི་གྱོན་ནི་ཚུལ་མཐུན་དང་ཚུལ་མཐུན་མིན་པའི་དབྱེ་བ་འབྱེད་བྱེད་དུ་གྱུར།བོད་ཀྱི་དམངས་ཁྲོད་ཀྱི་དུས་ཆེན་མཛད་སྒོ་སར་པགས་རིགས་རྒྱན་གོས་གྱོན་མཁན་གཏན་ནས་མེད།འོན་ཀྱང་རྒྱ་གཞུངགིས་བཀོད་སྒྲིག་བྱས་པའི་དུས་ཆེན་སྐབས་སུ་རྒྱན་གོས་ངེས་པར་དུ་གྱོན་དགོས་པའིོ་སྒྲིག་སྲོལ་གཏན་འབེབས་བྱས་པ་མ་ཟད།པགས་རིགས་མི་གྱོན་པ་ཚོ་ལ་ཉེས་ཆད་ཀྱང་ཆེན་པོ་གཅོག་གིན་ཡོད།
  མུ་མཐུད་ནས་འགོད་རྒྱུ་ཡིན་་་་་་་་་་་་་་་་་་་་་་་་་་་་་་་་

0 བསམ་ཚུལ་འདོན་པ།: