འབའ་པ་སྐལ་བཟང་འཕྲིན་ལས།
ང་ནི་ང་རང་ཡིན་ནཡང་། ངས་ད་དུང་རང་ཉིད་འཁྲུལ་མེད་དེ་རྙེད་མ་སོང་། དོན་དམ་པར་རང་ཉིད་ཅི་འདྲ་ཞིག་ཡིན་མིན་ཤེས་པའི་སླད་དུ་རང་ཉིད་ཀྱི་གོམ་པ་འདོར་བཞིན་ཡོད།
དྲྭ་རྒྱ་བཟོ་འགོད་པ་བསོད་ནམས་འོད་ཟེར།
Monday, January 17, 2011
6:40 PM | 
འབའ་པ་སྐལ་བཟང་གིས
༄༅།། འབའ་ཐང་གི་འགྱུར་ཁུག |
 |
| Add caption |
ཡུལ་སྲོལ་རིག་གཞུང་ཡོད་ཚད་ནི་འགྲོ་བ་མིའི་འཚོ་ཐབས་ཀྱི་ཆོ་ག་ཡིན་ལ།ཅི་སྟེ་ཉིན་རེ་ཉིན་རེ་ཡི་འཚོ་བའི་ལག་ལེན་ཁྲོད་དུ་དགོས་མཁོའི་སྟོང་ཆ་ཁག་བསྐང་མི་ཐུབ་ན། ཨ་འཐས་ཀྱིས་རོ་འཐམ་མ་བྱས་པར་ཚུར་ལེན་གྱི་སྙིང་སྟོབས་སྤྱད་དེ་སྙིགས་དོར་བཅུད་ལེན་དང། རྙིང་དོར་གསར་ལེན་གྱི་བྱ་གཞག་སྤེལ་ནས་འཚོ་བའི་དཔལ་ཡོན་སྐྲུན་ཐབས་བྱ་འོས།
Saturday, January 15, 2011
རི་མོའི་ཁྲོད་ན་འགྲེང་པའི་ང་།
སྣ་ཚོགས་སྒྱུ་མའི་འཕྲུལ་གྱིས་བསྐྲུན་པའི་རི་བྱའི་སྒོང་ངའི་སྦུབས་གཏོར་ནས།།
ཉི་མའི་འོད་ཀྱི་གསལ་ཆ་འོག་ཏུ་གོམ་པའི་འདེགས་འཇོག་བྱེད་ཉིན་ནས།།
འདུ་འཛིན་རྦ་རླབས་གྱེན་དུ་འཕྱུར་པའི་ས་མཐའི་མཐིང་ནག་རྒྱ་མཚོ་རུ།།
ཅི་ཞིག་འཚོལ་བའི་འདུན་པ་ཞིག་གིས་བྲང་ཁོག་ལེབ་མོར་རྔ་བཞིན་བརྡུང་།།
Labels:
གསེར་གྱི་ལྷ་ཁང་དུ་བསྐྱོད་པ།
ལོ་གཅིག་གི་སྔོན་ཁོ་བོ་འདི་གར་བསྙེགས་དུས་ཆེས་སྨུག་མདོག་འབར་བའི་གླིང་འདི་ཡི་སྤྲོས་པ་རྣམས་་ད་ལྟ་གང་གི་དབྱིངས་སུ་བསྡུས་པ་ཡིན་ནམ།གསེར་གྱི་རྒྱ་ཕིབས་སྤྲས་ཤིང་།ལྷ་དང་ལྷ་མོ་ཚོགས་ཀྱིས་གཡས་སྐོར་གཡོན་སྐོར་རྒྱག་པའི་ཟངས་མདོག་དཔལ་རི་ཡང་།ཕ་མས་བོར་བའི་ཕྲུ་གུ་བཞིན་ཁང་བརྩེགས་ཀྱི་དཀྱིལ་དུ་མྱ་ངན་གྱི་མདངས་ཤིག་འཁྱེར་ཏེ།ཀྲོང་ངེར་འགྱིང་འདུག། ལྷ་ཁང་གི་སྒོ་སྟེང་ཀེར་པའི་གཤེགས་ཟིན་པའི་སེམས་དཔའ་གང་གི་སྐུ་བརྙན་རིན་པོ་ཆེར་ཡལ་དུ་མེད་པའི་འཛུམ་མདངས་ཤིག་འཕྱུར་བཞིན་ཕྱིར་མིག་འོག་གི་འགྲོ་བ་རྣམས་ལ་ཞེ་སྟིང་ནས་གཟིགས་པའི་ཚུལ་འདི་ང་ཡི་མིག་ལམ་དུ་མངོན་བྱུང་།
འབའ་པ་སྐལ་བཟང་འཕྲིན་ལས།
གནས་འདི་ན་དབེན་ཐང་ཐང་།སྟོང་སངས་སངས།ཅི་ཞིག་བོར་བའི་སྣང་བ་སྟེར།
ལོ་གཅིག་གི་སྔོན་ཁོ་བོ་འདི་གར་བསྙེགས་དུས་ཆེས་སྨུག་མདོག་འབར་བའི་གླིང་འདི་ཡི་སྤྲོས་པ་རྣམས་་ད་ལྟ་གང་གི་དབྱིངས་སུ་བསྡུས་པ་ཡིན་ནམ།གསེར་གྱི་རྒྱ་ཕིབས་སྤྲས་ཤིང་།ལྷ་དང་ལྷ་མོ་ཚོགས་ཀྱིས་གཡས་སྐོར་གཡོན་སྐོར་རྒྱག་པའི་ཟངས་མདོག་དཔལ་རི་ཡང་།ཕ་མས་བོར་བའི་ཕྲུ་གུ་བཞིན་ཁང་བརྩེགས་ཀྱི་དཀྱིལ་དུ་མྱ་ངན་གྱི་མདངས་ཤིག་འཁྱེར་ཏེ།ཀྲོང་ངེར་འགྱིང་འདུག། ལྷ་ཁང་གི་སྒོ་སྟེང་ཀེར་པའི་གཤེགས་ཟིན་པའི་སེམས་དཔའ་གང་གི་སྐུ་བརྙན་རིན་པོ་ཆེར་ཡལ་དུ་མེད་པའི་འཛུམ་མདངས་ཤིག་འཕྱུར་བཞིན་ཕྱིར་མིག་འོག་གི་འགྲོ་བ་རྣམས་ལ་ཞེ་སྟིང་ནས་གཟིགས་པའི་ཚུལ་འདི་ང་ཡི་མིག་ལམ་དུ་མངོན་བྱུང་།
ཆོལ་ཁ་ཆོས་ལུགས་སོགས་ཀྱི་མཐུན་ལམ་ལ།
གནོད་འགྱུར་དབྱེན་སྦྱོར་བརྗོད་ཚིག་རྩུབ་མོ་དག
ཟིན་བྲིས་རྭ་བ་འདིར་ན་བཀག་རྒྱ་ཡོད།
སྨྱུུག་མིང་མུན་པ་སྟུག་པོའི་གཏིང་རིམ་ནས།
ཕྱོགས་རིས་ཐན་སྐད་འབྱིན་པའི་འབྱུང་བྱ་དག
ལེགས་བཤད་འོད་ཀྱི་ཁེངས་པའི་དོ་ར་འདིར།
རྒྱུ་བའི་གནས་མིན་དེ་ཡང་ཤེས་པར་མཛོད།
Subscribe to:
Posts (Atom)