འབའ་པ་སྐལ་བཟང་འཕྲིན་ལས།
ང་ནི་ང་རང་ཡིན་ནཡང་། ངས་ད་དུང་རང་ཉིད་འཁྲུལ་མེད་དེ་རྙེད་མ་སོང་། དོན་དམ་པར་རང་ཉིད་ཅི་འདྲ་ཞིག་ཡིན་མིན་ཤེས་པའི་སླད་དུ་རང་ཉིད་ཀྱི་གོམ་པ་འདོར་བཞིན་ཡོད།
དྲྭ་རྒྱ་བཟོ་འགོད་པ་བསོད་ནམས་འོད་ཟེར།
Tuesday, January 11, 2011
6:23 PM | 
འབའ་པ་སྐལ་བཟང་གིས
༄༅།། འབའ་ཐང་གི་འགྱུར་ཁུག |
དབྱར་གྱི་ལང་ཚོ་རླུང་གིས་དེད་ཅིང་རྩ་ལྡུམ་གྱི་ཤུལ་ལས་མེད་པའི་ཤམྦྷ་ལ་དེ་རྟོགས་བརྗོད་ཀྱི་དེབ་ཐེར་བར་ན་འགུལ་ བཞིན་པའི་ཤམྦྷ་ལ་ལས་ལེ་བ་སྟོང་ཕྲག་དུ་མས་ཆོད་འདུག གནས་འདི་ན་ངེས་འབྱུང་རྣལ་མ་ཞིག་སྐྱེས་ནས་བྱ་བ་ཡོད་ཚད་གཏང་རྒྱུའི་ཆོད་སེམས་ ཐེངས་འགའ་སྐྱེས་ན་ཡང་།སྦས་མི་ཐུབ་པའི་ཞེན་ཆགས་དེས་རང་དབང་མེད་པར་གནས་འདི་ན་
ཡང་ཡང་འཁོར་བཅུག་གིན་འདུག་ལ། ད་ཐེངས་ཀྱང་གང་བསམ་འདི་དྲན་མེད་པར་ཤམྦྷ་ལའི་གྲོང་མཐའ་ན་བསླེབས་འདུགཤམྦྷ་ ལའི་གྲོང་མཐའ་ནས་ཅེར་དུས་ཐོག་མར་མིག་སྔ་ན་མངོན་པ་ནི་རིགས་ལྡན་རྒྱལ་བོའི་ཕོ་ བྲང་རེད།ཕོ་བྲང་ལ་སྔོན་ཆད་ལྟར་གསེར་མདངས་ཡལ་འདུག་ལ།ཆར་ཆུས་སྦངས་དྲགས་ནས་ གྱང་རྩིབས་ཡོད་ཚད་སྐྱ་ཧྲེང་ངེར་གནས་འདུག གྲོང་པའི་དཀྱིལ་ན་ཉེན་རྟོག་པ་དང་ཁྲིམས་ཞིབ་ཁང་། དམག་དཔོན་སོགས་དྲག་དམག་དང་བདེ་སྲུང་ལས་མི་དུ་མ་འགྲེམ་འཇོག་བྱས་ལུགས་ལ་བལྟས་ ན་དེང་རབས་ཀྱི་དཔལ་ཡོན་ལྡན་ཞིང་སྒྲིག་བཀོད་ལེགས་
པའི་དག་ཞིང་གི་གྲོང་ཁྱེར་ དེར་དེང་སང་རྐུན་ཇག་དང་གཡོ་ཁྲམ་ཅན་མང་པོས་ཁེངས་་ནས་ལྷིང་འཇགས་གཏན་ནས་མེད་པ་ འདྲ། སྔོན་དུས་སུ་འདྲིས་གཤིབ་ཟབ་པའི་གྲོགས་པོ་ཚོ་ཡང་གཏན་ནས་ཡལ་ཚར་འདུག་པས་ལམ་བར་ངོ་ཤེས་པའི་མི་གཅིག་ཀྱང་མ་ཐུག རིང་ ནས་ཡིད་ལ་བརྣགས་པའི་རེ་སྨོན་དེ་ཡང་བསྐྱར་ཐེངས་ཞིག་སྐྱོར་ནས་གང་འདྲ་འགྲོ་ མིན་མི་ཤེས་པར་རིགས་ལྡན་ཚང་གི་སྒོ་འགྲམ་ན་སླེབས་ཚར་འདུག ལམ་སྲོལ་བཞིན་དཔའ་རྟུལ་ཅོ་རི་ཚང་སྒོ་རྡུང་པར་སོང་། ཅོ་རི་བས་
དམག་ལྭ་ཞིག་རྒྱབ་གྱོན་བྱེད་བཞིན་ལག་ཟུང་གིས་གོ་ལ་བསྐོར་བཞིན་གསར་པའི་འཚོལ་ཞིབ་ནི་མི་བུའི་བརྒལ་མཆོངས་ཡིན་ཟེར་ནས་ང་ལ་ཁ་ཡ་བྱེད་པའི་དུས་ཁོམ་ ཡང་མི་འདུག་པས་ངས་ཁོ་ཡི་བྱ་བ་ལ་གནོད་བསྐྱལ་དོགས་
ཀྱིས་སྒོ་ནས་ཕྱིར་ཐོན། ཁྲིམས་ དཔོན་ཆེན་པོ་ཚང་གི་ནང་ན་སོང་། ཁྱིམ་སྒོ་ནང་འཛུལ་མ་ཐག་མིག་ལམ་ན་མངོན་པའི་ཤིང་གི་ཐོ་ལ་ཡང་ས་རྡུལ་གྱིས་ཁེངས་ འདུག་ལ།གྱང་ངོས་ན་ཀེར་པའི་བཅད་ཁྲ་ཡི་སྦྱར་པང་ན་༢༠༠༩ལོ་ནས་ཟླ་༡༢་ཚེས་༢༢་
མན་ གྱི་བཅད་ཁྲ་གཏན་ནས་བཀོད་མི་འདུག ཡ་མཚན་པ་ཞིག་ལ་ཁྲིམས་དཔོན་བེ་རི་བས་ངལ་བརྩོན་པའི་ཆས་གོས་དཀྱུས་མ་ཞིག་གྱོན་ ནས་ཀོ་བ་མཉེད་ནས་བསྡད་འདུག ང་མཐོང་མ་ཐག་མིག་ཟུང་བཙུམ་ནས་ཟང་ཟིང་ནས་རྙེད་པའི་དག་ཞིང་མེད་ཅེས་ཡང་ཡང་ བགྲངས་ནས་བཞུགས་སོང་། ངས་ཁྱེད་ཁྲིམས་དཔོན་གྱི་ལས་གནས་ནས་ཇི་ལྟར་བཤོལ་མིན་དྲིས་ཀྱང་སྔར་བཞིན་ སྐྱོར་ནས་བསྡད་ལས་ལན་ཚིག་གཅིག་ཀྱང་སྐྱོན་གིན་མི་འདུག་པས་ང་ཕྱིར་
མི་ཐོན་ཀ་ མེད་བྱུང་། ཡང་ ལྕོག་རི་ཚང་གི་སྦྲ་ནག་འགྲམ་ན་སོང་ཡང་སྦྲ་ཡི་གོང་ཁ་ཡོད་ཚད་ཟད་འདུག་ལུགས་ལ་ བལྟས་ནམི་ཡོད་ཚད་སྔ་ས་ནས་སྤོས་ཟིན་པར་ཤེས་སོང་། ནམ་རྒྱུན་རྒན་པོ་ཕུར་བུས་ལུས་དང་གཏན་ནས་བྲལ་སྲོལ་མེད་པའི་གློ་གྲི་དེ་ཡང་ སྦྲ་ཡི་སྒོ་ན་གཡུག་འདུག ད་དུང་སྦྲ་ཁ་ནས་སྐྲ་ལོ་ཚོམ་བུ་ཞིག་ཀྱང་རྙེད་
སོང་བས་ད་ནས་རྒན་པོ་དེས་རི་ དྭགས་རྒྱག་རྒྱག་གིས་ངེས་འབྱུང་གློ་བུར་བས་རྐྱེན་བྱས་ཏེ་གནས་གང་ཞིག་ཏུ་བྱ་ བྲལ་ལ་ཕེབས་པ་མིན་ནམ།? དཔའ་རྟུལ་བྲག་སྐམ་དང་འབའ་འཆི་གཉིས་སྔར་བཞིན་ནོར་ལུག་གི་ཁྲོད་ན་སྐྱོ་ཉམས་ འདྲེས་པའི་གླུ་རེ་ལེན་བཞིན་རི་མགོ་ནས་རྟ་རེ་གཞོན་ནས་འགྲོ་སོང་། ང་མཐོང་མ་ཉིད་ནས་ལག་པ་གཡུག་གཡུག་བྱེད་བཞིན་མིང་ནས་འབོད་ཀྱིན་འདུག དགུང་མོར་ནང་ན་མར་ཤོག་ཟེར་གིན་འདུག
མི་ ནག་ཚང་གི་ཁང་སྟེང་ན་དར་ལྕོག་སྔར་བཞིན་འཛུགས་འདུག་ལ།དར་ལྕེ་ཡོད་ཚད་གསར་པ་ རེད་འདུག དུ་བ་སྔོ་ལོང་ལོང་འཕྱུར་བཞིན་བསང་གསོལ་བྱེད་བཞིན་འདུག རྒན་པོ་བློ་བརྟན་ཀོ་བའི་སྟོད་ཐུང་ཞིག་གྱོན་ནས་སྒོ་ཁ་ནས་ར་མ་གསུམ་དེད་ནས་མར་ ཡོང་བཞིན་འདུག ང་མཐོང་མ་ཐག་འཚམས་འདྲི་བྱ་རྒྱུ་ཕར་ཞོག་ཁོ་ཡི་ར་མ་བཟང་རབས་དང་ང་ལ་ཉོ་དགོས་ ཚུལ་དང་།ནང་ཚགས་བྱས་ནས་རིན་གོང་ཏོག་ཕབ་ཆོག་ཟེར། ངས་ཁོ་ཡི་སྐད་ཆ་ལ་ལན་གྱི་ཚབ་ཏུ་དག་ཞིང་གི་དར་རྒུད་ཀྱི་འགག་རྩ་གླེང་མ་ཐག་ཁོས་ ང་ལ་ཁོམ་པ་མེད། ཁོམ་པ་མེད།དེ་རིང་ཐུགས་སྤྲོ་ཡོད་ཟེར་ཞོར་ཕྱིར་བལྟས་བྱེད་གིན་དོགས་མི་བདེའི་ ངང་ནས་ཕྱིན་ཐལ།ནགས་ མཚམས་སྤང་མཚམས་ན་ཁེར་རྐྱང་ངང་གནས་པའི་བོད་དུང་ཚང་གི
་བསྒྲགས་གཏམ་གྱི་སྒོ་ བྱང་ནང་དུ་བསྡུས་འདུག་པས་ངས་སྐད་ཤུགས་གང་ཡོད་བོད་དུང་མིང་ནས་འབོད། འབོད་ཐེངས་རེ་རེ་ལ་སྒོ་ཁྱི་ནག་པོ་དེ་ཡིས་ཟུག་རྔུ་ཐེངས་རེ་བྱེད་གིན་འདུག ཐ་མར་ཨ་ལན་གྱི་ཚབ་ཏུ་སྒེའུ་ཁུང་ནས
་ཤོག་བུ་ཞིག་སྟེས་དབང་གི་ང་ཡི་ལག་ན་ཟགས་ སོང་། ཤོག་སྟོང་ནི་ཤོག་སྟོང་རང་རེད། ང་ལ་དགོས་པའི་ཨ་ལན་གཏན་ནས་མི་སྟེར་ན་ཡང་།ཤོག་བུ་དེས་ཤོག་སྟོང་ཡིན་པའི་ འགྲེལ་བརྗོད་རང་ཆས་སུ་ཡོད་པ་དེ་བོད་དུང་གི་ང་སྤྲད་པའི་ལན་དེ་ཡིན་པ་འདྲ།ནས་ཚོང་དཔོན་ལི་སྨྱོན་ཚང་ཁ་སྔོན་རྒྱ་ནག་ནས་ཚོང་ཟོག་དབོར་ནས་ཡོང་དུས་ལམ་བར་ ཉེན་རྟོག་དང་འཁྲུག་འཛིང་ཤོར་ནས་འབའ་དང་ལི་ཐང་གཉིས་ཀྱི་མཚམས་ན་དཀར་ནག་དྭངས་ སྙིགས་ཕྱེ་བཞིན་ཡོད་འདུག་པས་
ནང་ན་མི་འདུགཨོ་་་་ ཁ་ ལོ་བ་སངས་རྒྱས་གར་སོང་དང་གང་བྱས་ཁྱེད་ཚོ་ལ་འགྲེལ་བརྗོད་བྱ་རྒྱུར་ལྷག་འདུག ཁོང་གིས་ཕག་ཤ་ཀི་ལོ་༨༠༠བཟས་རྗེས་གཉིད་ལོག་ནས་ཟླ་བ་དྲུག་ཕྱིན་འདུག་ཀྱང་ད་དུང་སུ་གང་གིས་ཡར་བསླངས་ཐུབ་མི་འདུག ་
ཛཟེར།ཁོ་ཡི་ཁང་པ་ལ་གཉིད་ཀྱི་གླིང་ཁ་ཞེས་སྒོ་བྱང་ཀེར་འདུག མགོ་སེར་ཁྱུ་དང་ཁྱུ་ལྟད་མོར་བལྟས་པར་ཡོང་གི་འདུག དཔར་དང་ལོ་རྒྱུས་དག་རྒྱལ་ཁབ་ཀྱི་བརྙན་འཕྲིན་ན་ཡོངས་ཁྱབ་ཀྱི་ཕྱིར་བསྒྲགས་ བྱེད་བཞིན་འདུག
དམག་སྤྱི་ཨ་ཀ་ཚང་ཁང་པ་བསྲུང་ནས་ལོ་དུ་མར་གནས་འདི་ན་ཨུ་ཚུགས་ཀྱིས་བཞུགས་ཀྱང་།ཉེ་ཆར་ཁོ་ཚང་གི་ཕ་བསད་མཁན་ལག་དམར་དེ་ཚོས་ཁོ་ཡི་ཕ་རྒན་གྱི་ཚོང་ཟོག་རྣམས་དངོས་གསལ་དོད་པོར་ཁྲོམ་ན་བཙོང་གིན་པའི་གཏམ་དེ་ཐོས་རྗེས་བཟོད་ཐབས་བྲལ་ནས་ནང་ཟོག་ ཡོད་ཚད་བཙོང་སྟེ།གོ་རིང་ཐུང་གཉིས་ཉོས་ནས་དེང་སྐབས་དགྲ་ཡ་ཚང་དང་ཁྱེད་ཤི་ང་གསོན་གྱིས་དམག་འཐབ་བྱེད་བཞིན་ཡོད་རབས་འདུག ཁང་ཐོག་ན་བྱིས་པ་གཉིས་དེད་རེས་བྱེད་བཞིན་འདུག་པ་ལས་ཁོ་རང་གི་གྲིབ་ནག་ཙམ་ཡང་མཐོང་གི་མི་འདུགདེ་ ནས་ང་ཤར་མར་རྒྱལ་ཁང་ནང་འཛུལ་ནས་སོང་། རྒྱལ་ཁང་གི་ཕྱི་ནང་གཉིས་ཀ་ས་རྡུལ་གྱིས་ ཁེངས་འདུག ང་ཡི་རྐང་རྗེས་རེ་རེ་བཞིན་ཤོག་ངོས་ན་ཕབ་པ་བཞིན་དཔར་ཡོང་གི་འདུག ་ང་ཡི་མིག་མདའ་ཐོག་མར་འཕང་སའི་རྒྱལ་བོའི་བཞུགས་ཁྲིམས་སྟེང་ན་ཤོག་བུ་ཞིག་བཞག་འདུག་པ་དེ་རིག་བྱུང་།ངས་ལམ་སེང་རྒྱུག་ཐེངས་ཤིག་གིས་ཤོག་བུ་ཚུར་ལེན་ནས་བལྟས་པས་ཡ་མ་ཟུང་གི་སྐད་ཆ་འདི་ལྟར་འཁོད་འདུག ཤམྦྷ་ལ།གཙང་སྦྲ། ཁོར་ཡུག་སྲུང་སྐྱོབ་་་་་་་་་་་་་ཨོ་་་་་ཤུ་ཤུ ་་་་་་་་་་་་་་་་་་ད་ནས་རི་རྒྱབ་རྡོ་འོག་ན་ང་ཡི་འདེམས་ཁ་ཡིན་ཞེས་འཁོད་འདུག ངས་ཡི་གེ་བཀླགས་རྗེས་མདའ་འཕངས་པ་ལྟར་རི་རྒྱབ་ཀྱི་བྲག་ཕུག་ན་སོང་།བྲག་ཕུག་སྒོ་ཁ་ནས་འདོན་པའི་སྒྲ་ལྕི་མོ་ཞིག་རྣ་བར་འཛུལ་སོང་།ནང་ན་སླེབ་ནས་བལྟས་དུས་རྒན་ཕོ་མགོ་དཀར་ཞིག་གིས་ཁ་ནས་ཧུམ་ཧུམ་ཕཊ་་ཁ་མུར་མུར་གྱི་སྐྱོར་བཞིན་འདུག ངོ་གདོང་དེ་ནི་ང་ལ་ཆ་རྒྱུས་ཡོད་པའི་ངོ་གདོང་ཞིག་རེད། སྐབས་དེར་ང་ཡི་ཁ་ནས་རང་དབང་མེད་པར་འཆམ་ར་བ་རྒས་འདུགའཆམ་ར་བ་རྒས་འདུག་ཞེས་དབང་མེད་ཤོར་སོང་།
Subscribe to:
Post Comments (Atom)
0 བསམ་ཚུལ་འདོན་པ།:
Post a Comment